| 世界仔 仲記得早幾年,對於仔仔女女前面加上『世界』兩個字既都極其反感,我仲口出狂言話我討厭世界仔,世界女,我唔會做呢d人!~當然熟識我既人都知我係一個狂妄之人,對我既狂言妄語唔會感到陌生.哈! 今時今日,我佩服世界仔......世界仔~好野!(y)
由根深柢固既諗法突然間180度轉變,代表住我既衷心.世界仔/世界女呢種尊稱背後,深深隱含住一種煲意,係別人對你熟識做人處世種種法則既一種讚美.
好多人都會話世界仔世界女有既就只係手段!一見到手段兩個字,的確又幾負面.但係無可否認社會上需要既就係手段.面對豬流感,需要既係衛生手段;面對辦公室政治,需要既係人際社交手段;發展商想要搵銀紙,需要既係經濟手段;現今社會夫妻相處,需要既係哄騙既手段.基本上,時下打工仔為左保住份工,搵啖飯食都需要好多手段,又要返足六日,又要有最低薪酬保障,又要有月薪包超時工作.社會上有咩係唔需要手段?
得到世界仔世界女呢種尊稱就係因為識得係唔同時場合運用唔同既手段,所謂識時務者為俊傑,應該就係咁解.哈哈! 好記得黃子華講過幾精彩既一PART棟篤笑,印象如下:
愛係唔需要講,只需要做!
你同女朋友講愛?做得啦!
你話你愛世界?咁你去做世界啦! 咩係愛?愛係恆久忍耐,包容. 世界仔,世界女能夠包容世界,社會種種好與壞既胸襟,我相信並非人皆有之. |
